மதுரை பின்னணியில் உருவாகியுள்ள “ஜாக்கி – தனித்துவன்” திரைப்படம், தமிழ் சினிமாவில் இதுவரை முழுமையாக பேசப்படாத ஒரு கலாச்சாரத்தை மையமாக கொண்டு வருகிறது. அது தான் கிடா முட்டு சண்டை.
மதுரையில் ஷேர் ஆட்டோ ஓட்டும் யுவன் கிருஷ்ணா, தனது கிடா “காளி”யை போட்டிக்காக அழைத்துச் செல்கிறார். பல ஆண்டுகளாக வெற்றி பெற்றுவரும் ரிதான் கிருஷ்ணாவின் கிடாவை இந்த முறை காளி வென்று விடுகிறது. இதனால் உருவாகும் மோதலும் போட்டியும் தான் படத்தின் முக்கிய கதையாக அமைந்துள்ளது.
கிடா முட்டு போட்டி முந்தைய திரைப்படங்களில் சில காட்சிகளாக மட்டும் வந்திருந்த நிலையில், அதை முழு திரைப்படமாக மாற்றியுள்ள முயற்சி பாராட்டத்தக்கது. இயக்குனர் பிரகபல் இந்த படத்திற்காக பல வருடங்கள் groundwork செய்திருப்பது திரையில் தெளிவாக தெரிகிறது.
யுவன் கிருஷ்ணா மற்றும் ரிதான் கிருஷ்ணா இருவரும் தங்களது கதாபாத்திரங்களுக்கு பொருத்தமாக நடித்துள்ளனர். குறிப்பாக அவர்களுக்குள் ஏற்படும் எதிர்மோதல்கள் படத்திற்கு உயிர் கொடுக்கின்றன.
அம்மு அபிராமி குறைந்த காட்சிகளில் வந்தாலும், தன்னுடைய கதாபாத்திரத்தை இயல்பாக முடித்து செல்கிறார்.
சக்தி பாலாஜியின் இசை மதுரை மண்ணின் flavour-க்கு ஏற்ற வகையில் அமைந்துள்ளது. பின்னணி இசையும் காட்சிகளுக்கு தேவையான தாக்கத்தை கொடுக்கிறது.
ஒளிப்பதிவாளர் என்.எஸ். உதயகுமாரின் cinematography படத்தின் மிகப் பெரிய பலமாக உள்ளது.
மொத்தத்தில், “ஜாக்கி – தனித்துவன்” ஒரு கிராமிய கலாச்சாரம் மற்றும் போட்டி மனநிலையை புதிய கோணத்தில் சொல்லும் தனித்துவமான முயற்சி. புதுமையான கதைக்களம் விரும்புபவர்களுக்கு இந்த படம் நல்ல அனுபவமாக இருக்கும்.
Cast & Crew
இயக்கம்: பிரகபல்
தயாரிப்பு: பிரேமா கிருஷ்ணதாஸ்
நடிகர்கள்:
யுவன் கிருஷ்ணா
ரிதான் கிருஷ்ணாஸ்
அம்மு அபிராமி
மதுசூதனராவ்
இசை: சக்தி பாலாஜி
ஒளிப்பதிவு: என்.எஸ். உதயகுமார்
